ഈരാറ്റുപേട്ട: കഴിഞ്ഞ ദിവസം പോലീസും നാട്ടുകാരും തമ്മുലുണ്ടായ സംഘര്‍ഷത്തില്‍ പ്രതിയായ ഈരാറ്റുപേട്ട നഗരസഭ പ്രതിപക്ഷ നേതാവിനെ പോലീസ് അറസ്റ്റ് ചെയ്തു.
കൗണ്‍സില്‍ യോഗത്തിനിടെണ് സിപിഎം കൗണ്‍സിലര്‍ കൂടിയായ അനസ് പാറയിലിനെ പോലീസ് ബലമായി അറസ്റ്റു ചെയ്തു കൊണ്ടു പോയത്. നഗരസഭയുടെ നടയിലൂടെ വലിച്ചിഴച്ചാണ് അനസിനെ പോലീസ് ജീപ്പിലേക്ക് കയറ്റിയത്. വിവരമറിഞ്ഞ് ഈരാറ്റുപേട്ട പോലീസ് സ്‌റ്റേഷനില്‍ നിരവധി സിപിഎം പ്രവര്‍ത്തകര്‍ തടിച്ചു കൂടി. പോലീസുമായി വാക്കേറ്റവും നേരിയ തോതില്‍ സംഘര്‍ഷവുമുണ്ടായി.
ഇതിനിടെ അറസ്റ്റിലായ കൗണ്‍സിലര്‍ കുഴഞ്ഞു വീഴുകയും ചെയ്തു. ഇദ്ദേഹത്തെ പാലാ ജനറല്‍ ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം ഈരാറ്റുപേട്ട ചേന്നാട് കവലയില്‍ കുടുംബപ്രശ്‌നം പരിഹരിക്കാനെത്തിയ പോലീസും നാട്ടുകാരും തമ്മില്‍ സംഘര്‍ഷമുണ്ടായിരുന്നു. ഈ സംഭവത്തിലാണ് അനസ് പാറയിലടക്കമുള്ളവര്‍ക്കെതിരെ ജാമ്യമില്ലാ വകുപ്പ് പ്രകാരം പോലീസ് കേസെടുത്തിരുന്നത്.
ഇതിനെതിരെ അനസ് ഹൈക്കോടതിയെ സമീപിച്ചിരുന്നെങ്കിലും ഇന്ന് അറസ്റ്റ് നടക്കുകയായിരുന്നു.