ആലപ്പുഴ: നഗരത്തിലെ പൂന്തോപ്പ് വാർഡിൽ വാടക വീട്ടിൽ വയോധിക ദമ്പതികൾ മരിച്ച നിലയിൽ. കറവ തൊഴിലാളി ഹരിദാസ് (72), ഭാര്യ സാവിത്രി (70) എന്നിവരാണ് മരിച്ചത്.
ഇന്നലെ സന്ധ്യയ്ക്ക് ലൈറ്റിടാത്തതിൽ സംശയം തോന്നിയ വീട്ടുടമ എത്തിയപ്പോഴാണ് മരിച്ചു കിടക്കുന്നത് കണ്ടത്. മക്കളില്ല. വീട്ടിൽ ഇവർ തനിച്ചായിരുന്നു.
സ്വർണാഭരണങ്ങൾ നഷ്ടപ്പെടാത്തതിനാൽ മോഷണമൊന്നും നടന്നിട്ടില്ലന്നു പൊലീസ്. രോഗിയായ ഭാര്യ ഹൃദയാഘാതത്താൽ മരിച്ചപ്പോൾ, ഭർത്താവ് വിഷം കഴിച്ചതാവാമെന്ന് പൊലീസിന്റെ പ്രാഥമിക നിഗമനം. ഇന്ന് പോസ്റ്റ്മാർട്ടം ചെയ്യും.