മുംബെെ; ഓൺലൈൻ ക്ലാസ്സിനിടെ ടീച്ചറുടെ ചോദ്യങ്ങൾക്ക് ഉത്തരം നൽകാൻ കഴിയാതിരുന്നതിന് 12 വയസുകാരിയെ ക്രൂരമായ് ശിക്ഷിച്ച് അമ്മ.മുംബെെ സാന്റ്ക്രൂസ് പോലീസ് സ്റ്റേഷൻ വിഷയത്തില്‍ കേസെടുത്തു.സംഭവത്തിന് സാക്ഷിയായ മൂത്ത കുട്ടി ഹെല്‍പ് ലെെന്‍ നമ്പരില്‍ വിളിച്ച് പരാതിപ്പെട്ടതോടെയാണ് വിഷയം പുറത്തറിയുന്നത്.
യുവതി തന്‍റെ 12 വയസുള്ള മകളെ പെൻസിൽ കൊണ്ട് പലകുറി കുത്തിയും കടിച്ചും മറ്റും ദേഹോപദ്രവമേല്‍പിച്ചെന്നാണ് കേസ്.
ബുധനാഴ്ചയാണ് സംഭവം.ആറാം ക്ലാസ് വിദ്യാർത്ഥിയായ കുട്ടി ഓൺലൈൻ ക്ലാസ്സിൽ പങ്കെടുക്കുമ്പോഴായിരുന്നു സംഭവം. ടീച്ചർ ചോദിച്ച ഒരു ചോദ്യത്തിന് ഉത്തരം നൽകാൻ കുട്ടി പരാജയപ്പെട്ടു.ഇത് അമ്മയെ പ്രകോപിപ്പിച്ചു.തുടർന്ന് അമ്മ പെൻസിൽ ഉപയോഗിച്ച് അവളുടെ മുതുകിൽ കുത്തുകയും ഒന്നിലധികം തവണ കടിക്കുകയും ചെയ്തു.സംഭവത്തിന് മുഴുവൻ സാക്ഷിയായ പെൺകുട്ടിയുടെ സഹോദരി ഹെൽപ്പ്ലൈൻ നമ്പരില്‍ വിളിക്കുകയായിരുന്നു.
ഇതേത്തുടർന്ന് എൻ‌ജി‌ഒ പ്രതിനിധികൾ പെൺകുട്ടിയുടെ വീട്ടിലെത്തി അമ്മയോട് വിവരങ്ങള്‍ ചോദിച്ചറിയാന്‍ ശ്രമിച്ചു. എന്നാല്‍ യുവതി ഇവരുമായ് സംസാരിക്കുവാനോ സഹകരിക്കുവാനോ കൂട്ടാക്കിയില്ല.തുടര്‍ന്ന് പോലീസ് ഇവര്‍ക്കെതിരേ കേസ് രജിസ്റ്റര്‍ ചെയ്തു.
യുവതിയെ ഇതുവരെ അറസ്റ്റ് ചെയ്തിട്ടില്ല.